Liga 1. PSJ 6 ta gol urilgan o'yinda «Lion»ni taslim etib, 1-o'ringa ko'tarildi (videosharh)

Frantsiya chempionatining 30-turida PSJ 21 mart, yakshanba kuni «Lion» maydonida mehmon bo'ldi.

Uchrashuvda parijliklar ishonchli g'alabani qo'lga kiritdi. Kilian Mbappening dubli, Danilu Pereyra va Anxel di Mariyaning gollaridan keyin hisob yirik ko'rinish oldi. Bunga maydon egalari Islom Slimani va Maksvell Kornening gollari bilan javob qaytardi.

Mazkur g'alabadan keyin PSJ ochkolarini 63 taga etkazib olgan holda birinchi o'ringa ko'tarildi. «Lion» (60) esa 3-o'rinda qolib ketdi.

Liga 1, 30-tur
21 mart, yakshanba
«Lion» — PSJ 2:4
Gollar: 0:1 – 15 Mbappe, 0:2 – 32 Danilu Pereyra, 0:3 – 47 Di Mariya, 0:4 – 52 Mbappe, 1:4 – 62 Slimani, 2:4 – 81 Korne.
«Lion»: Antoni Lopesh, Marselo, De Shilo, Denaer (Diomande, 78), Lukas Paketa, Tiago Mendes (Bruno Gimaraes, 56), Kakre, Korne, Toko-Ekambi (Sherki, 74), Kadevere (Dyubua, 56), Depay (Slimani, 56).
PSJ: Navas, Florentsi (Dagba, 86), Kimpembe, Markinos, Diallo, Danilu Pereyra, Di Mariya, Verratti, Guye (Errera, 86), Kin (Draksler, 90), Mbappe (Neymar, 70).
Ogohlantirishlar: Kadevere (40), Diomande (90).