Kapello A Seriyadagi eng kuchli murabbiy kimligini aytdi

«Milan» hamda «Yuventus» klublarining sobiq murabbiyi Fabio Kapello ayni damda Italiya A Seriyasidagi eng kuchli murabbiy kimligini aytdi.

«Menimcha, u Konte. Antonioda xarakter bor. U "Inter"ni bosqichma-bosqich shakllantirib kelmoqda. Endi jamoa "Skudetto" uchun haqli», - deya Kapelloning so'zlaridan iqtibos keltiradi Football Italia.

Ma'lumot uchun, «neradzurrilar» ayni dam turnir jadvalida 65 ochko bilan peshqadamlikni qo'lga olgan. Jamoa ikkinchi o'rindagi «Milan»dan 9 ochko ko'p jamg'argan.