Levandovskini to'xtatib bo'lmayapti. Kechaning o'zida bir nechta rekordlar yangilandi

Kecha Germaniya Bundesligasining navbatdagi turi doirasida «Bavariya» «Shtutgart» ustidan yirik hisobda g'alaba qozonganidan xabaringiz bor (4:0).

Ushbu uchrashuvda myunxenliklar hujumchisi Robert Levandovski xet-trik qayd etdi. Bu bilan polshalik futbolchi o'zining joriy mavsum barcha musobaqalardagi gollari sonini 42 taga etkazib oldi. U buning uchun 36 ta o'yinda maydonga tushgan. Qiziq tomoni, Robert ketma-ket 6 mavsumdan beri 40+ gollar urishning uddasidan chiqib kelmoqda. U 2015/16 yilgi mavsumda 42 ta, 2016/17 yilgi masumda 43 ta, 2017/2018 yilgi mavsumda 41 ta, 2018/19 yilgi mavsumda 40 ta, 2019/20 yilgi mavsumda esa 55 gol urishga muvaffaq bo'lgan.

Eslatib o'tamiz, Levandovskining Bundesligadagi gollari soni hozirning o'zidayoq 36 taga etgan. U bir mavsum davomida eng ko'p gol urgan Gerd Myullerning rekordini yangilashga ancha yaqin (40).