Zidan: «Benzemaning nima uchun terma jamoada yo'qligini ko'pchilik tushunmaydi»

Madridning "Real" klubi bosh murabbiyi Zinedin Zidan La Liganing 28-turidan o'rin olgan "Selta" (3:1) qarshi uchrashuvidan so'ng o'z fikrlari bilan o'rtoqlashdi.

«Davom etishimiz kerak. So'nggi paytlarda biz ko'plab yaxshi uchrashuvlar o'tkazdik. Jamoaning jismoniy holati tobida va ayni paytda biz yaxshi darajadamiz.

Benzema Frantsiya terma jamoasiga chaqirilmasligini qanday tushunish mumkin bilmayman. Buni ko'pchilik tushunmaydi. Ammo, "Real" ustozi sifatida xursandman. U juda zo'r ish qildi», - dedi Zidan.

Ma'lumot uchun, ayni paytda Madrid jamoasi 60 ochko bilan La Liga turnir jadvalining ikkinchi pog'onasida joylashgan.