«Sho'rtan» nazorat o'yinida g'alaba qozondi

G'uzor shahrining “Sho'rtan” akademiyasi qoshidagi “Bolalar va o'smirlar futbol maktabi” maydonida “Jomboy” va “Sho'rtan” jamoalari sinov-nazorat o'yinida qatnashishdi. Unda Asror Aliqulov shogirdlari 1:0 hisobi bilan g'alaba qozonishdi.

O'yin keskin kurashlar ostida o'tdi. Yakunda “Sho'rtan” jamoa vakili Suvonov Bekzod (50) gol muallifiga aylandi.  

Xabaringiz bor, O'zbekiston Chempionatining 2021 yilgi Pro liga 1-turi boshlanishiga sanoqli kunlar qolmoqda. Har bir daqiqa g'animatligini inobatga olgan “Sho'rtan” jamoasi bosh murabbiyi, ushbu uchrashuvda o'z shogirdlarining jismoniy holatini tekshirib ko'rdi.

Jamoadan ketganlar to'g'risida to'xtalganda, shuni ta'kidlash joizki, dastlabki kunlarda G'uzorni tark etganlardan boshqa hech kim ketmadi.

“Sho'rtan” matbuot xizmati bo'limi.