Ulug'bek Baqoev: «Natija adolatli bo'ldi»

"Qizilqum" - "So'g'diyona" bahsidan (1:1) so'ng jizzaxliklar ustozi Ulug'bek Baqoev o'z fikrlarini bildirdi.

— O'yin teng kurashlar ostida o'tdi. Birinchi bo'limda ham, ikkinchi bo'limda ham jamoalarda yaxshi vaziyatlar yuzaga keldi. O'yinda birinchi bo'lib gol urganimizni, hisobda oldinda borayotganimizni inobatga olsak, natija qoniqarsiz. Bu — futbol. Hisob tenglashganidan keyin «Qizilqum» ham, «So'g'diyona» ham gol urib ketishi mumkin edi. Shu boisdan aytishim mumkin, natija — adolatli. O'yinga o'zlarini bahsh qilganlari uchun shogirdlarimga rahmat aytaman. Shuningdek, «Qizilqum»ga omad tilab qolaman.

— «Qizilqum»ga qarshi o'yinga tayyorgarlik qanday bo'ladi? «Buxoro»da ishlab yurgan paytlaringizda ketma-ket ikki mavsum davomida «Qizilqum»ni mag'lub etgansizlar? Buning siri bormi?
— To'g'risini aytganda, biz raqibdan kelib chiqib o'yinga tayyorlanamiz. Agarda ahamiyat bergan bo'lsangiz, biz o'yinni boshqacha taktik sxemada boshlagandik. Ammo futbolchimiz jarohat olganidan so'ng o'yinni boshqatdan qurishga to'g'ri keldi. «Qizilqum» ham yaxshi jamoa. Menimcha, ushbu mavsumda jamoa turnir jadvalida yuqori o'rinlarda bo'ladi.

— Elyor Oripovning o'yinidan ko'nglingiz to'ldimi?
— Barcha futbolchilarimdan mamnunman va ularning o'yinlaridan ko'nglim to'ldi.

— U o'yin davomida juda ko'p e'tirozlar bildirdi.
— Bu futbol. Unda hissiyotlar jo'sh uradi, u o'z futbolchilariga gapirib turdi, xolos.