EChL. «Yuventus» Madridda taslim bo'ldi (video)

Evropa chempionlar ligasining nimchorak final bosqichi doirasida «Atletiko» o'z uyida «Yuventus»ni qabul qilib, ishonchli g'alabani qo'lga kiritdi.

Uchrashuvning aksariyat qismida hisob ochilmadi. 70-daqiqasida Alvaro Morata hisobni ochishga muvaffaq bo'lgandi, ammo VAR tizimi golni bekor qildi. Bu paytda hujumchi Kellinini itarib yuborib, so'ngra darvozani ishg'ol qilgandi. Shunga qaramay, mezbonlar qolgan daqiqalarda 2 marta raqib darvozasiga yo'l topa olishdi. Dastlab Ximenes, so'ngra Diego Godin turinliklarni xafa qilishga muvaffaq bo'lishdi.

Shu tariqa, "Atletiko" javob o'yini oldidan jiddiy ustunlikka ega bo'ldi. Javob o'yini mart oyida "Yuventus" maydonida o'tkaziladi.

Evropa chempionlar ligasi, 1/8 final, dastlabki o'yin
Atletiko Ispaniya – Yuventus Italiya 2:0 (0:0, 2:0)
Gollar: 1:0 – 78 Ximenes, 2:0 – 83 Godin.
Atletiko – Oblak, Xuanfran, Ximenes, Godin, Filipe Luis, Saul, Rodri Ernandes, Parti (Lemar, 61), Koke (Korrea, 67), Grizmann, Diego Kosta (Morata, 58).
Yuventus – Shchensni, De Shilo, Bonuchchi, Kellini, Aleks Sandro, Bentankur, Pyanich (Djan, 73), Matyuidi (Joau Kanselu, 84), Dibala (Bernardeski, 80), Mandjukich, Ronaldu.
Ogohlatirishlar: Diego Kosta (8), Parti (45), Aleks Sandro (55), Grizmann (89).