Jalilov: "Bugungi o'yindagi hisob adolatli bo'ldi"

"Navbahor" bosh murabbiyi Viktor Jalilov "Nasaf"ga qarshi bahsdan so'ng o'z fikrini bildirdi.

"Umuman olganda og'ir o'yin o'tkazdik. Bugungi o'yindagi hisob adolatli bo'ldi. Har ikki jamoada qulay imkoniyatlar bo'ldi. Qaysidir jamoa yutqazsa alam qilardi. Albatta, "Navbahor" g'alaba qozonsa yaxshi bo'lardi. Lekin futbolda shunday holat ham uchrab turadi. Mirzohid G'ofurovning jarohat olishi ham bizga pand berdi.

Hakamlar uchun ham o'yin og'ir o'tdi. Kurash ko'p bo'ldi. Hakamlar natijaga ta'sir ko'rsatadigan xatoga yo'l qo'yishdi, deb o'ylamayman. Boshqa vaziyatlarni esa Hakamlar qo'mitasi o'zi ko'rib chiqadi, bu borada hech narsa deyolmayman.

"Lokomotiv" bilan o'yinda markazdagi futbolchilarimizga ko'p og'irlik tushdi. Zaxiradan tushgan futbolchilarimiz o'yinni kuchaytirishdi. Mashg'ulotlar va o'yinlar payti futbolchilarning imkoniyatlarini chamalab, shunga ko'ra ularni o'yinga tushiryapman. Bugun bitta majburiy o'zgarishni amalga oshirganimiz ham yaxshi bo'lmadi", - deydi Jalilov.