Mirjalol Qosimov: «Bugun bizning kunimiz emas ekan»

AGMK bosh murabbiyi Mirjalol Qosimov Superliganing 3-turi doirasida bo'lib o'tgan "Paxtakor"ga qarshi o'yin (0:3) borasida o'z fikrini bildirib o'tdi.

«Nima deyish mumkin, albatta, alamli mag'lubiyat bo'ldi. O'ylaymanki, yirik hisobdagi mag'lubiyatga loyiq emasdik, bugun bizning kunimiz emas ekan. Birinchi bo'limda jamoalar teng o'ynashdi. Oddiy vaziyatda gol o'tkazib yubordik. Bizda ko'plab vaziyatlar yuzaga keldi. Jumladan, Kasyanda, Jokichda, G'ofurovda qulay imkoniyatlar bo'lgandi. Futbol shunday narsaki, unda gol urmasang, nimadandir umid qilish qiyin. Barchasini ko'rib chiqamiz, hayot davom etadi. "Paxtakor"ni g'alaba bilan tabriklayman. Shuningdek, o'zbek xalqini Navro'z ayyomi bilan tabriklab, salomatlik tilayman», — dedi Qosimov.