Superliga. «Turon» - «Lokomotiv» o'yinida jangovar durang

O'zbekiston chempionatining 3-turidan o'rin olgan dastlabki o'yin yakuniga etdi. Dastlabki 2ta turda mag'lubiyatga uchragan «Turon» va «Lokomotiv» jamoalari Yaypanda to'qnash kelishdi.

Mezbonlar o'z muxlislari qarshisida bahsni ancha shiddat bilan boshlab, 11-daqiqaga kelib raqib darvozasiga 2ta to'p yo'llashdi. Jamoaning ikki goliga ikki legioner — Poyanevich va Kasminin mualliflik qilishdi.

Oradan ko'p o'tmasdan Javohir Siddiqov 18 metrlardan aniq zarba yo'llab, "temiryo'lchilar"ning birinchi goliga mualliflik qildi.

Ikkinchi bo'lim o'rtalarida "Turon" a'zosida Kasminin to'pni qo'li bilan o'ynagani uchun maydondan chetlatildi va penalti belgilandi. Temurxo'ja Abduxoliqov undan samarali foydalanib, hisobni tenglashtirdi.

Yaypanliklar bir kishi kam bo'lib qolganiga qaramay, faol o'ynashda davom etishdi. Hattoki ular "Loko" darvozasini ishg'ol qilishgandi, ammo Karikari ofsaydda bo'lgani uchun gol inobatga olinmadi.

O'yinga qo'shib berilgan daqiqada 5-daqiqada Abduxoliqov juda qulay imkoniyatdan foydalana olmadi. Aks holda "Lokomotiv" mavsumdagi dastlabki g'alabasini qo'lga kiritishi mumkin.

Shu tariqa, ikki jamoa mavsumdagi dastlabki ochkosini qo'lga kiritishdi.

Superliga, 3-tur. 18 mart, payshanba.
"Turon" - "Lokomotiv" - 2:2 (2:1)
Gollar: Dayan Ponevich, 4 (1:0), Vladislav Kasminin, 11 (2:0) — Javohir Siddiqov, 16 (2:1), Temurxo'ja Abduxoliqov, 69-penalti (2:2)
"Turon": 96. Islom Abdullaev, 2. Abduqahhor Xojiakbarov, 3. Davronbek Umirov, 7. Kvame Karikari, 17. Muzaffarjon Muzaffarov, 19. Vladislav Kasminin, 23. Abdurahmon Abdulhaqov, 30. Sinisha Babich, 32. Jahongir Mehmonov, 55. Dayan Ponevich, 77. Bilolxon Toshmirzaev.
"Lokomotiv":  35. Javohir Ilyosov, 28. Shuhrat Muhammadiev, 37. Sherzod Fayziev, 20. Jaloliddin Jumaboev, 22. Diego Bardanka, 4. Dilshod Komilov, 21. G'ulom Haydar G'ulomov, 5. Kaxi Maxaradze, 8. Javohir Sidiqov, 17. Sanjar Qodirqulov, 11. Temurxo'ja Abduxoliqov.