Coca-Cola Superliganing may oyi oxirlaridagi rejalariga o'zgartirish kiritiladi

O'FA bu borada rasmiy murojaat bilan chiqdi.

"Xabaringiz bor, OFK rejalariga biroz o'zgartirish kiritdi va JCh saralash uchrashuvlarining qolgan qismini Saudiya Arabistoni mezbonligiga taqdim etdi. Saudiya esa bizning guruhdagi printsipial raqibimiz hisoblanadi.

Shundan kelib chiqib, O'zbekiston milliy terma jamoasi avvaldan rejalashtirilgani kabi 29 may kuni emas, 20 may kuni yig'iladigan bo'lgan. FIFA kunlari 15 iyunga qadar davom etishi hisobga olinsa, chempionatda tahminan 28 kunlik tanaffus yuzaga keladi.

Bu vaqtda Pro liga uchrashuvlari davom etadi."-deya ma'lum qiladi O'zPFL bosh direktori vazifasini bajaruvchi Diyor Imomxo'jaev o'zining rasmiy telegram sahifasida.