Frantsiya Kubogi. Mbappe dublga erishgan o'yinda PSJ «Lill»ni yirik hisobda engdi (videosharh)

Frantsiya kubogining 1/8 final bosqichida PSJ 17 mart, chorshanba kuni «Lill»ni qabul qildi.

Parijda kechgan bahs mezbonlarning ustunligida o'tdi. Dastlab 9-daqiqada Mauro Ikardi hisobni ochgan bo'lsa, 41-daqiqaga kelib Kilian Mbappe 11 metrlik jarima zarbasini golga aylantirib, oradagi farqni ikkitaga oshirdi.

Bahsning 71-daqiqasida esa parijliklar darvozasi tomon penalti belgilandi. 11 metrli nuqtadan yo'llangan zarbani Keylor Navas qaytarishga muvaffaq bo'ldi.

Uchrashuvga qo'shib berilgan daqiqalarda Mbappe yana bir bor gol urib, dublni rasmiylashtirdi. Shu tariqa PSJ chorak final yo'llanmasini qo'lga kiritdi.

Frantsiya kubogi, 1/8 final
17 mart, chorshanba
PSJ – «Lill» 3:0
Gollar: 1:0 – 9 Ikardi, 2:0 – 41, penalti Mbappe, 3:0 – 90+3 Mbappe.
PSJ: Navas, Dagba (Florentsi, 46), Markinos, Kurzava, Diallo, Paredes, Rafinya (Verratti, 69), Guye (Danilu Pereyra, 70), di Mariya, Kin (Draksler, 79), Ikardi (Mbappe, 39).
«Lill»: Menyan, Bradarich, Chelik (Pe, 74), Tiagu Jalo, Botman, Sheka (Andre, 62), Sumare, Yaziji, Luis Araujo (Ikone, 74), Yilmaz (Devid, 46), Vea (Bamba, 62).
Ogohlantirishlar: Rafinya (3), Bradarich (18), Tiagu Jalo (40), Sheka (44), Guye (64), Mbappe (78), Ikone (80).