«Yuventus» Sarri va uning yordamchilari oldidagi qarzini uzmagan

Mauritsio Sarri va uning «Yuventus»dagi sobiq yordamchilari 2021 yil yozigacha klubdan 17 million evrodan ko'proq maosh olishadi.

Turin klubining sobiq bosh murabbiy va uning shtabi oldidagi majburiyatlari 15.457 million evroni tashkil qiladi.

Bu miqdor esa Mauritsioning shartnomasi tugaguniga qadar, ya'ni 2021 yil iyunigacha to'lab berilishi kerak. Shu bilan birga, Sarrining shaxsan o'zi ham klubdan 1,788 million evro pul olishi kerak.

Shunday qilib, «Yuventus» murabbiy va yordamchilariga 17,335 million evro to'laydi. Ular klubda bir yil ishlagan.