Mourino: «Biz ba'zi hisoblarda mag'lub bo'lsak ham keyingi bosqichga chiqamiz, ammo...»

"Tottenxem" bosh murabbiyi Joze Mourino Zagrebning "Dinamo"siga qarshi bo'lib o'tadigan Evropa Ligasi 1/8 final javob uchrashuvi haqida fikr bildirdi.

«Menimcha, bu unchalik ham ishonchli ustunlik emas. Ijobiy natijaga erishish uchun g'alaba qozonishimiz kerak. Biz 0:1, 1:2 yoki 1:3 hisobida mag'lub bo'lgan taqdirimizda ham keyingi bosqichga chiqamiz, ammo men bundan xursand bo'lmayman.

Biz Evropa Ligasida himoyaviy o'yin ko'rsatib, hisobni saqlab qolish uchun o'ynamayapmiz. G'alaba qozonishga harakat qilishimiz kerak», - deydi portugaliyalik mutaxassis.

Eslatib o'tamiz, birinchi o'yin «shporlar» ning o'z uyidagi 2:0 hisobidagi g'alabasi bilan tugagan edi. Evropa Ligasi 1/8 final javob uchrashuvi esa 18 mart kuni Zagrebda bo'lib o'tadi.