Fakt: Xosep Gvardiola murabbiylik faoliyati boshlaganidan beri uning jamoasi mavsumiga 100+ gol urmoqda
/ Kiritdi: BestMaster Ko'rilgan: 164
«Manchester Siti» Chempionlar Ligasi 1/8 final javob bahsi doirasida kechgan «Borussiya M»ga qarshi o'yinda 2:0 hisobida g'alaba qozondi.
Kevin de Bryuyne tomonidan kiritilgan to'p «Manchester Siti» uchun 2020/21 yilgi mavsumda barcha musobaqalardagi 100-gol bo'ldi. Shu tariqa Xosep Gvardiola qo'l ostidagi jamoa ketma-ket 12-mavsumda 100+ gol urishga muvaffaq bo'ldi.
Qayd etish joiz, Gvardiola oliy divizion jamoalarini boshqarishni boshlagan 2008 yildan hozirgacha har bir mavsumda uning jamoalari yuzta va undan ortiq gol urmoqda (mutaxassis ishlamagan 2012/13 yilgi mavsumdan tashqari).
Bu vaqt davomida uning jamoalari 686 o'yin o'tkazib, 1718 ta gol urdi. Mutaxassis «Siti»dan avval «Barselona» va «Bavariya»da faoliyat yuritgan.
Mavzuga doir: Xosep Gvardiola Chempionlar Ligasidagi g'alabalar soni bo'yicha Joze Mourinoni ortda qoldirdi
Shuningdek, «Manchester Siti» ketma-ket 8-mavsumda barcha musobaqalar doirasida 100+ gol urdi. Angliya futboli tarixida bundan yaxshi natijani faqat «Manchester Yunayted» qayd etgan. «Qizil iblislar» 2004 yildan 2013 yilga qadar ketma-ket 9 mavsumda yuzta va undan ko'p gol urgan.
Bosh sahifaga
192