Gvardiola Mourinoni ortda qoldirdi

«Manchester Siti» 16 mart kuni Evropa chempionlar ligasi 1/8 final bosqichi doirasida Menxengladbaxning «Borussiya» klubini mag'lub etib, chorak finalga chiqdi.

Mazkur g'alaba "shaharliklar" bosh murabbiyi Xosep Gvardiola uchun EChLdagi 82-g'alaba bo'ldi. Ushbu ko'rsatkich bo'yicha 50 yoshli mutaxassis Joze Mourinoni ortda qoldirib, umumiy ro'yxatda 4-o'ringa ko'tarilib oldi.

Chempionlar ligasidagi g'alabalar soni bo'yicha dastlabki 3 murabbiy: Arsen Venger (86), Karlo Anchelotti (89) va Aleks Fergyuson (102).