Prevyu: AGMK – «Paxtakor»

Joriy yildan e'tiboran "Paxtakor" boshqaruviga niderlandiyalik mutaxassis Piter Xyuistra keldi. Tarkib ham tubdan o'zgardi va ketgan futbolchilar o'rni yaxshi ijrochilar bilan to'ldirildi. Hamrobekov, Masharipov, Hamdamov, Sergeevning o'rniga Rashidov, Turg'unboev, Muhiddinov, Temirov kabi futbolchilar jalb etildi. O'tgan mavsumni “Bunyodkor”da ijarada o'tkazgan Yo'ldoshev esa ortga qaytarildi.

Mirjalol Qosimov boshqaruvidagi jamoa ham selektsiya ishlarini faol tarzda olib bordi va tarkibni yanada shakllantirishga hamda yoshartirishga erishdi. Jamoaga darvozabon Ergashev, himoyachilar Otaxonov, Komilov, Ahmadaliev, yarim himoyachilar Kozak, Gadoev, Shoahmedov, niderlandiyalik Fortes va ukrainalik Kasyan kelib qo'shildi.

O'zaro o'yinlar statistikasiga ko'ra, o'tkazilgan jami 30 o'yinda "Paxtakor" 22 g'alabani tantana qilgan, AGMK esa 5 marotaba "paxtakorchilar"dan ustun kelgan. Qolgan 3 bellashuvda g'olib nomi aniqlanmagan. To'plar nisbati: 61-21, "Paxtakor" foydasiga.