Shvetsiyaning eng yaxshi to'purari yana terma jamoaga jalb etishi mumkin

"Milan" hujumchisi Zlatan Ibragimovich Shvetsiya terma jamoasiga chaqirildi. 39 yoshli hujumchi terma jamoaning JCh-2022 saralash o'yinlari va Estoniya bilan o'rtoqlik o'yini uchun dastlabki qaydnomaga kiritildi. Bu haqda Sky Sport Italia xabar bermoqda.

Manbaga ko'ra, "Milan"ning o'zi hali futbolchi milliy terma jamoaga chaqirilishini tasdiqlamagan. Bundan tashqari, ko'p narsa Zlatanning 28 fevral kuni A Seriyaning "Roma" ga qarshi o'yinda (2:1) olgan jarohatidan qay darajada tiklanishiga bog'liq.

Noyabr oyida Shvetsiya terma jamoasi bosh murabbiyi Yan Anderson Zlattonni termaga jalb etishni ko'rib chiqayotganligi yanvar oyida esa ularning o'zaro norasmiy suhbati bo'lib o'tganligi ma'lum qilingan edi.

Ibragimovich Shvetsiya milliy terma jamoasida 2001 yildan 2016 yilgacha to'p tepgan va 116 o'yinda 62 ta gol urib jamoaning eng yaxshi to'purariga aylangan.