«Bavariya» futbolchisi belgilangan mashinada kelmagani uchun yirik miqdorda jarimaga tortildi

«Bavariya» futbolchisi Kingsli Koman 50 ming evro miqdorida jarima to'laydigan bo'ldi.

"Bild" tarqatgan xabarga ko'ra, o'yinchi "Mercedes AMG" shaxsiy mashinasida mashg'ulotga tashrif buyurgani uchun shunday jazoga loyiq ko'rildi. Myunxenliklar esa "Audi" kompaniyasi va "Volkswagen" kontserni bilan hamkorlik qilishadi. Qoidaga ko'ra «Bavariya» futbolchilari mashg'ulot, o'yinlar va biznes uchrashuvlarga "Audi" markali mashinada borishlari kerak.

"Mercedes"da kelgan Komanni esa stadion yaqinidagi avtoturargohga kiritishmadi. Shu bois, u o'z avtomobilini ko'chada qoldirishga majbur bo'ldi.

"Audi" bilan shartnoma «Bavariya» klubiga yiliga 50 mln evro daromad keltiradi.