"Man Yunayted"ga qarshi o'yin oldidan "Milan" etakchisi safga qaytdi

«Milan» forvardi Zlatan Ibrahimovich Evropa ligasi javob bahsi doirasida «MYu»ga qarshi o'yinda ishtirok etishi mumkin.

Bu haqda klub matbuot xizmati xabar bermoqda. Zlatan bungacha jarohati bois jamoasining 4 ta uchrashuvini o'tkazib yuborgan edi. Endi u «qizil iblislar»ga qarshi javob bahsida maydonga tusha oladi. Biroq katta ehtimol asosiy tarkibga kiritilmaydi.

Eslatib o'tamiz, har ikkala jamoa o'rtasidagi javob bahsi 18 mart sanasida bo'lib o'tadi.