Hamidjon Aktamov: "Safardagi durang ham yomon natija emas"

Coca Cola superligasi 2-tur doirasidagi «Qo'qon-1912» - «Qizilqum» (0:0) uchrashuvidan so'ng mehmonlar ustozi Hamidjon Aktamov o'z fikrlari bilan o'rtoqlashdi.

"O'yin haqida aytadigan bo'lsam, muxlislar shiddatli kurashlarga boy bo'lgan bahsning guvohi bo'lishdi. Har ikki jamoa ham g'alaba uchun harakat qilishdi. Futbol shunisi bilan qiziq. Bugun jangovor o'yin bo'ldi. Yaratilgan vaziyatlardan foydalana olmadik.

Safarda durang ham yomon natija emas, deb o'ylayman. “Qo'qon-1912” jamoasiga keyingi o'yinlarda omad tilayman.

Mavsum endi boshlandi.Boshida 4-5 ta tur barcha jamoalar deyarli bir xil o'yin ko'rsatadi O'yindan-o'yinga kuchayib boramiz. Maqsadimiz? Jamoani oldiga xech qachon yutqazmaslik vazifasi qo'yilgan.Maqsadimiz sovrinli o'rinlardan birini qo'lga kiritish", - deydi Aktamov.