Bobur Abduxoliqov: «Yurtdoshlarim mening rasmiy o'yindagi debyutimni kutishayotganidan xabarim bor»

Ukrainaning "Rux" klubi hujumchisi Bobur Abduxoliqov yakshanba kuni o'z jamoasi safida debyut qildi. "Podole" klubi qarshi bo'lib o'tgan o'rtoqlik o'yinida o'zbekistonlik futbolchi ikkinchi taym boshida maydonga tushirildi. Bobur debyut o'yini borasida o'z fikrini bildirib o'tdi.

"Yakshanba kungi bahs Kievning "Dinamo" klubiga qarshi bo'ladigan o'yin uchun tayyorgarlik vazifasini o'tadi. Biz g'alaba qozondik, ammo xatolarga ham yo'l qo'ydik. Keyingi uchrashuvlarda ularni to'g'rilaymiz. Asosiy jamoada o'ynash imkoniyatiga ega bo'lganimdan xursandman. Hattoki bu o'rtoqlik uchrashuvi bo'lsa ham. Murabbiy ishonch bildirayotgani men uchun muhim ahamiyatga ega. Bu meni ko'proq ruhlantiradi. Optimal formaga kirishga va jamoaga yordam berishga harakat qilaman.

Asta-sekin jamoadoshlarim bilan aloqani yo'lga qo'yyapman, ammo yana biroz vaqt kerak. Yurtdoshlarim mening rasmiy o'yindagi debyutimni kutishayotganidan xabarim bor. Ularning ishonchini oqlashga harakat qilaman. "Rux"da yaxshi o'yinchilar yig'ilgan. Bugungi bahsda Kuxarevich va Kondrakov gol urishdi. Hujum chizig'idagi yuqori raqobat futbolchining foydasiga xizmat qiladi. Jumladan, bu holat mening o'sishimga ham yordam beradi", — dedi Abduxoliqov klub matbuot xizmatiga bergan intervyusida.