Pioli: «"Napoli"ni mag'lub etish uchun faqat yaxshi o'yinning o'zi kamlik qiladi»

"Milan" bosh murabbiyi Stefano Pioli A Seriya doirasida kechgan "Napoli"ga qarshi mag'lubiyatli uchrashuv (0:1) dan so'ng fikr bildirdi.

«Biz ancha tajribali raqib bilan ro'baru keldik. Birinchi bo'lim nisbatan qiyin kechdi. Juda ko'p bosimlarga duch kelmagan bo'lsakda, o'yinimizda xatolar ko'zga tashlandi.

Ikkinchi bo'lim boshida biz raqibga qaraganda yaxshiroq o'yin namoyish etdik, ammo to'p nazoratini boy berdik va himoyada harakat qilishga majbur bo'ldik. "Napoli"dek jamoani mag'lub etish uchun yaxshi o'yin etarli emas», - dedi Pioli.

Ma'lumot uchun, ayni paytda "Milan" 56 ochko bilan A Seriya turnir jadvalining ikkinchi pog'onasida bormoqda.

Manba: football Italia