Liga 1. «PSJ» o'z maydonida autsayder jamoaga yutqazib qo'ydi (videosharh)

Frantsiya chempionatining 29-turi doirasida «PSJ» 14 mart, yakshanba kuni o'z maydonida «Nant» klubini mehmon qildi.

O'yinning 42-daqiqasida Yulian Draksler parijliklarni hisobda oldinga olib chiqdi. 59-daqiqada mehmonlar vakili Rendal Kolo-Muani muvozanatni tikladi. 71-daqiqaga kelib esa Rendalning uzatmasini Mozes Siman golga aylantirdi va «Nant»ga g'alaba keltirdi.

«Nant» ushbu g'alabadan so'ng ochkolari sonini 27 taga etkazdi va 19-o'rindan 18-pog'onaga ko'tarildi. «PSJ» bo'lsa hisobidagi 60 ochkosi bilan 2-o'rinni band etgan. Parijliklar peshqadam «Lill»dan 3 ochkoga ortda qolmoqda.

Liga 1, 29-tur bahsi
«PSJ» — «Nant» 1:2
Gollar: 1:0 – 42 Draksler, 1:1 – 59 Kolo-Muani, 1:2 – 71 Simon.
«PSJ» – Navas, Kimpembe, Markinos, Dagba (Kerer, 74), Diallo, Danilu Pereyra, Rafinya (Ikardi, 56), Di Mariya (Paredes, 62), Verratti, Draksler (Sarabiya, 74), Mbappe.
«Nant» – Lafon, Pallua, Traore, Kastelletto, Jirotto, Blas (Luza, 84), Ture, Simon (Bamba, 83), Chirivelya, Koko, Kolo-Muani (Emon, 83).
Ogohlantirishlar: Simon (45), Rafinya (48), Traore (50), Verratti (67).