A Seriya. «Inter» so'nggi daqiqalardagi gol evaziga Turinda g'alaba qozondi, «Roma» esa autsayderga yutqazib qo'ydi

Italiya A Seriyasining 27-turidan o'rin olgan bir qator uchrashuvlar 14 mart, yakshanba kuni bo'lib o'tdi.

«Inter» Turinda «Torino» mehmoni bo'ldi. Uchrashuvda hisob 62-daqiqaga kelib ochildi: Romelu Lukaku penaltini aniq ijro etib, milanliklarni oldinga olib chiqdi. Oradan ko'p vaqt o'tmay Antonio Sanabriya muvozanatni tikladi.

Uchrashuv yakunlanishi arafasida Lautaro Martines mehmonlarga uch ochko keltirgan gol muallifiga aylandi.

Mazkur g'alabadan keyin «Inter» ochkolarini 65 taga etkazib olgan holda peshqadamlikni mustahkamladi. «Torino» (20) esa 18-pog'onada bormoqda.

«Roma» safarda «Parma» bilan bahs yuritdi. Rimliklar kutilmaganda so'nggi pog'onalarda borayotgan jamoaga yutqazib qo'ydi.

A seriya, 27-tur bahslari
14 mart, yakshanba
«Torino» — «Inter» 1:2
Gollar: 0:1 – 62, penalti Lukaku, 1:1 – 70 Sanabriya, 1:2 – 85 Martines.
«Torino»: Sirigu, Murru (Ansaldi, 67), Voynovich, Bremer, Voyvoda (Goyak, 89), Mandragora, Lukich, Verdi (Zaza, 67), Bazelli (Linetti, 49), Itstso, Sanabriya (Belotti, 89).
«Inter»: Handanovich, Bastoni, de Vrey, Shkrinyar, Hakimi (Darmian, 88), Galyardini (Eriksen, 56), Perishich (Yang, 56), Barella, Brozovich (Sanches, 81), Martines (Vesino, 89), Lukaku.
Ogohlantirish: Galyardini (53).

«Parma» — «Roma» 2:0
Gollar: 1:0 – 9 Miheile, 2:0 – 55, penalti Ernani.
«Parma»: Sepe, Petssella, Bani, Osorio, Konti (Lorini, 82), Ernani (Grassi, 72), Kurtich, Man, Brugman, Miheile (Karamo, 82), Pelle (Zirkzee, 61).
«Roma»: Lopes, Spinatstsola, Kumbula (Kristante, 59), Rojer, Bruno Peres (Reynolds, 60), Pedro (Karles Peres, 60), Vilyar (Diavara, 79), ash-Shaaravi, Pellegrini (Mayoral, 79), Manchini, Jeko.
Ogohlantirishlar: Osorio (23), Bruno Peres (32), Pellegrini (54), Ernani (66), Jeko (69), Karamo (90).

«Bolonya» — «Sampdoriya» 3:1
Gollar: 1:0 – 27 Barrou, 1:1 – 37 Kualyarella, 2:1 – 41 Svanberg, 3:1 – 70 Soriano.