"Atletiko" Saulga qancha narx belgilagani ma'lum bo'ldi

Madridning «Atletiko» klubi xavbeki Saulga bir nechta jamoalardan takliflar tushayotganidan xabaringiz bor.

U yozda klubni tark etish niyatida bo'lib turibdi. «Matraschilar» rahbariyati ham mavjud iqtisodiy vaziyatni hisobga olib ispaniyalik futbolchining bu qaroriga qarshi emas. Shu bois, Saulga qo'yilgan 120 millionlik tovon puli olib tashlandi va endi uning narxi 50 millionni tashkil etmoqda.

Ma'lumot uchun, Saulga da'vogarlar ro'yxatida «Bavariya», «Barselona» hamda «Man Siti» kabi jamoalar mavjud.