«Atletiko» etakchisi «Bavariya», «Man. Siti» va «Barsa» taklifini rad etgan

«Bavariya» o'tgan yozda Saulni o'z safiga qo'shib olmoqchi edi.

Myunxenning «Bavariya» jamoasi 2020 yilning yozida «Atletiko» yarim himoyachisi Saul Nigesga qiziqish bildirgan. Nemis klubi ispaniyalik futbolchini ushbu mavsum avvalida jamoani tark etgan boshqa bir ispaniyalik, Tiyago Alkantaraga o'rinbosar sifatida ko'rgan.

Ammo, bu Madrid klubi futbolchisiga ma'qul kelmagan. Shuningdek, Saulga «Barselona» va «Manchester Siti» ham qiziqish bildirgan, ammo u jamoasini o'zgartirmaslikka qaror qilgan.

Ma'lumot o'rnida, joriy mavsumda 26 yoshli yarimhimoyachi «Atletiko» safida, barcha musobaqalarda 29 o'yin o'tkazdi va 2 gol urdi. Uning klub bilan tuzgan shartnomasi 2026 yilning yozigacha amal qiladi.

Manba: Diario AS