«Sheffild Yunayted» bosh murabbiyi iste'foga chiqarildi

"Sheffild Yunayted" bosh murabbiyi Kris Uaylder iste'foga chiqarildi. Bu haqda klub rasmiy sayti xabar tarqatdi. Manbaga ko'ra, shartnomani bekor qilish haqidagi qaror har ikki tomonning o'zaro kelishuvi asosida qabul qilindi.

Uaylder deyarli 5 yil davomida "Sheffild Yunayted"ni boshqardi. U 200dan ortiq o'yinda jamoani boshqargan klub tarixidagi oltinchi murabbiyga aylandi.

Angliyalik mutaxassis mavsum-2018/2019da jamoani Chempionshipdan APLga olib chiqqan edi. Uning qo'lostidagi jamoa keyingi mavsumda Premer-liga kashfiyotiga aylandi. Ammo joriy mavsumda klubning ishlari yurishmayapti. "Sheffild Yunayted" 28 turdan keyin 14 ochko bilan so'nggi pog'onani egallab turibdi.