«Yuventus» va «Barselona» yana o'zaro futbolchi almashishi mumkin

«Yuventus» klubi «Barselona»ga hujumchilar — Paulo Dibala va Antuan Grizmanni o'zaro almashish taklifini berdi. Bu haqda "Corriere dello Sport" xabar tarqatdi.

Bu orqali turinliklar Dibaladan qutulishni ko'zlashmoqda. "Mundo Deportivo" tarqatgan xabarga ko'ra, «Yuventus» anchadan beri Grizmannga qiziqib kelmoqda.

Argentinalik futbolchi A seriyaning joriy mavsumida 15ta o'yinda ishtirok etib, 3ta gol urdi va 2ta golga uzatma berdi. U mavsumning katta qismini jarohat tufayli o'tkazib yubormoqda.

Antuan esa joriy mavsumda barcha musobaqalar doirasida «Barselona» safida 38ta o'yinda maydonga tushib, 12ta gol va 11ta golli uzatma muallifiga aylandi.