Pirlo Ronalduning ketishi haqida: «Faqat yosh futbolchilar bilan yaxshi loyiha amalga oshirib bo'lmaydi»

"Yuventus" bosh murabbiyi Andrea Pirlo hujumchi Krishtianu Ronalduning jamoadan ketishi haqidagi mish-mishlarga izoh berdi.

«Ronaldu hozir yaxshi. Tabiiyki, boshqalar kabi, uning ham ko'ngli qolgan [Chempionlar Ligasini tark etganidan so'ng]. U yaxshi mashq qildi va o'z holatini yaxshilab oldi. EChLdagi omadsizlikdan so'ng, bunday mish-mishlarning paydo bo'lishi tabiiy.

Chunki u Messi bilan birga dunyodagi eng yaxshi futbolchilari. Ronaldu har doim "Yuventus"da yaxshi o'yin namoyish etgan. U 90 dan ortiq gol urgan. Bu uning o'z darajasini isbotlash uchun etarli hatto ko'p hamdir.

So'nggi yillarda boshlangan loyihada tarkibni ma'lum bir tarixga ega futbolchilar bilan to'ldirish ham nazarda tutilgan. Faqatgina yosh o'yinchilardan iborat yaxshi jamoa tuzib bo'lmaydi», - dedi murabbiy.

Eslatib o'tamiz, avvalroq, portugaliyalikning "Real Madrid"ga qaytishni istashayotgani haqida xabarlar tarqalgan edi.