A seriya. «Yuventus» - «Napoli» qoldirilgan o'yini aprel oyiga ko'chirildi

Italiya chempionatining 3-turidan o'rin olgan, ammo keyinroqqa qoldirilgan «Yuventus» — «Napoli» uchrashuvi 17 mart sanasiga belgilangan edi.

Ammo turinliklar Evropa chempionlar ligasidan chiqib ketgani uchun mazkur bahs aprel oyiga ko'chirildi. Ushbu o'yin 7 aprel kuniga belgilandi.

Eslatib o'tamiz, 3 oktyabr kuni bo'lib o'tishi kerak bo'lgan o'yinga "Napoli" jamoasi tashrif buyurmagani uchun ularga dastlab texnik mag'lubiyat yozilgan edi. Ammo neapolliklar apellyatsiya berishdi. Sport kafolatlari kengashi texnik natijani bekor qilib, o'yinni qayta o'tkazish haqida qaror chiqardi.