«Navbahor» birinchi mag'lubiyatdan keyinoq No''mon Hasanovni iste'foga chiqardi

Joriy mavsumda o'z oldiga yuksak maqsadlar qo'ygan “Navbahor” uchun har bir o'yin muhim va finalga teng. Ammo kutilmaganda jamoa 1-turda o'z maydonida “So'g'diyona”ga imkoniyatni boy berdi (0:1). Shu bois, “Navbahor” PFK rahbariyati jamoa murabbiylar shtabida o'zgarish qilishga qaror qildi.

Klub rahbariyati qaroriga ko'ra, bosh murabbiy No''mon Hasanov iste'foga chiqarildi. Shu kungacha klubda maslahatchi–murabbiy sifatida faoliyat olib borgan tajribali mutaxassis Viktor Romanovich Jalilov “Navbahor”ga bosh murabbiy etib tayinlandi.

Eslatib o'tamiz, Viktor Jalilov “Navbahor”da 1995-2000, 2003-2004, 2010 yillarda faoliyat yuritgan va jamoamiz bilan birga ko'plab sovrinlarni qo'lga kiritgan. “Navbahor” tarixidagi yagona chempionlik unvoniga ham 1996 yili Viktor Romanovich davrida erishilgan.

“Navbahor” PFK matbuot xizmati.