Masharipov «Shabab al-Ahli»da debyut golini urdi, ammo penaltidan foydalana olmadi (videosharh)

Birlashgan Arab Amirliklari chempionatining 20-turi doirasida "Shabab al-Ahli" safarda "Ajman" klubi mehmoni bo'lib, durangga imzo chekdi.

Uchrashuvni Masharipov va Hamrobekov boshlang'ich tarkibda boshlashdi. Bahsning 39-daqiqasida Jaloliddin jamoadoshi bilan "devor" o'ynab jarima maydoniga kirgan paytda raqib himoyachisi uni chalib yiqitdi. Belgilangan penaltini o'zbekistonlik futbolchining o'zi tepishga qaror qildi, ammo darvozabon to'pni qaytarishga muvaffaq bo'ldi. Oradan bir daqiqa o'tib maydon egalari hisobni ochishdi.

Ikkinchi bo'lim boshida esa Masharipov jarima maydoni chizig'i ustidan kuchli zarba berib, chiroyli gol muallifiga aylandi. Jaloliddin uchun bu gol BAA chempionatidagi debyut gol bo'ldi.

Hamyurtlarimiz bahs oxiriga qadar maydonda harakat qilishdi. Uchrashuvda esa 1:1 hisobi qayd etildi.

BAA chempionati, 20-tur
"AJMAN" - "ShABAB AL-AHLI" - 1:1 (1:0)
Gollar: Travelli (40) — Jaloliddin Masharipov (51)
Noaniq penalti: Jaloliddin Masharipov (39, darvozabon)