«Andijon» futbol klubi Meksika milliy terma jamoasida 1 ta o'yin o'tkazgan hujumchi bilan shartnoma imzoladi

«Andijon» futbol klubi meksikalik hujumchi Marko Bueno transferini e'lon qildi. 26 yoshli futbolchi 2021 yilgi mavsumni «Andijon» safida o'tkazadi.

Bueno Meksikaning «Pachuka» jamoasi tarbiyalanuvchisi hisoblanadi. 2011 yilda futbolchi ijara asosida «Leon» jamoasiga o'tadi.

2011 yilning yozida Marko «Pachuka» jamoasiga qaytadi va 9-oktyabr sanasida «Haguraes» jamoadi qarshi Meksika chempionatida debyut uchrashuvini o'tkazadi. 2012 yilning 15 yanvar sanasida «Puebla» jamoasiga qarshi uchrashuvda Bueno o'zining ilk golini kiritadi va ushbu o'yinda dubl qayd etadi. Ushbu yilda Pablo Buenoga angliyaning «Manchester Yunayted» jamoasi qiziqib qoladi.

2014 yilning boshlarida o'yin amaliyoti bo'lishi uchun ijara asosida Bueno «Estudiantes» jamoasiga o'tadi. Futbolchi ushbu jamoada 20 o'yinda maydonga tushib 5ta gol urishga erishadi. Shundan so'ng futbolchi «Toluka» jamoasiga ijaraga beriladi.

2016 yilda futbolchi sobiq jamoasi «Leon»ga qaytadi. Sundan so'ng Marko Bueno 3 yil mobaynida «Gvadalarxa», «Monterrey», va chilining «Everton» jamoalarida ijara asosida to'p surgan. Futbolchining so'ngi jamoasi Finlyandiyaning «XIK» jamoasi hisoblanadi.

Marko Bueno Meksika terma jamoasining turli yoshdagi terma jamoalarida to'p surgan. 2011 yilda Marko Bueno Meksika U-17 terma jamoasi bilan birgalikda jahon chempioniga aylangan.

2015 yilda Marko Bueno Meksika terma jamoasida «AQSh»ga qarshi o'rtoqlik uchrashuvida debyut uchrashuvini o'tkazadi. Bueno ikkinchi bo'limda Ektor Errerani o'rniga maydonga tushadi. Ushbu yilda Meksika olimpiya terma jamoasi bilan Kanadada bo'lib o'tgan Panamerika kubogida kumush medallarini qo'lga kiritgan.

2016 yildagi Rioda bo'lib o'tgan Olimpiada o'yinlarida Meksika terma jamoasi bilan ishtirok etgan.