Xakimi APL klubiga yo'l olishi mumkin

"Arsenal" klubi yozgi transferlar oynasida "Inter" himoyachisi Ashraf Hakimini o'z safiga qo'shib olishga harakat qilib ko'radi. Marokashlik futbolchi londonliklarning asosiy transfer maqsadi hisoblanadi. Klub uni yozda jamoani tark etishi oydinlashib borayotgan Ektor Belerin o'rniga olib kelmoqchi.

"Kanonirlar" 22 yoshli futbolchiga 50 million evroga yaqin miqdorda pul sarflamoqchi.

Ma'lumot uchun, Ashraf "neradzurri" safida bu mavsum 25 o'yin o'tkazib, 6 ta gol va 4 ta assistni o'z hisobiga yozdirib qo'ydi.