"Real" himoyachisi jamoada qolishni istamayapti

"Real Madrid" himoyachisi Rafael Varan yozda klubini o'zgartirishi mumkin, deb xabar bermoqda AS nashri.

Aynan futbolchining o'zi Madrid klubini tark etishni xohlamoqda va u "qaymoqranglilar" bilan shartnomani uzaytirishni istamayapti.

Futbolchiga "Manchester Yunayted" jamoasi jiddiy qiziqish bildirmoqda va "Real" "qizil iblislar" bilan muzokaralarni boshlashga yaqin. 

Eslatib o'tamiz, 27 yoshli futbolchining "qirollik klubi" bilan amaldagi shartnomasi 2022 yilda o'z nihoyasiga etadi.