Gvardiola: «Manchester Siti» 18:0 hisobida g'alaba qozonadi»

"Manchester Siti" bosh murabbiyi Xosep Gvardiola jurnalistning savoliga istehzo bilan javob berdi. "Shaharliklar" ertaga APLning 33-turidan o'rin olgan "Sautgempton"ga qarshi bahsni o'tkazishadi.

Jurnalist esa "avliyolar" ushbu mavsumda ikki marta 0:9 hisobida yutqazganini murabbiyga eslatdi.

"Hisob 18:0 bo'ladimi? Shunaqa ham savol bo'ladimi? "Manchester Yunayted" 89 daqiqa davomida bir kishi ko'p bo'lib o'ynab, 9ta gol urdi. Ammo biz shunchaki g'alaba qozonishni va 3 ochkoni qo'lga kiritishni istaymiz.

Men "Sautgempton" namoyish etayotgan futbol muxlisiman. Ularning o'yini sifatini ko'ryapman. Bu o'yin biz uchun yana bir sinov bo'ladi", – dedi Gvardiola.

Eslatib o'tamiz, "Man Siti" - "Sautgempton" uchrashuvi 10 mart kuni 22:00da boshlanadi.

Manba: football24.ua