Kavani «Boka Xuniors»ga o'tishga yaqin turibdi

«Manchester Yunayted» hujumchisi Edinson Kavani Argentinaning «Boka Xuniors» klubiga o'tishga yaqin turibdi. Bu haqda "Mundo Deportivo" xabar tarqatdi.

34 yoshli futbolchi mavsum so'ngida «Boka» safiga borib qo'shiladi. Kavani esa argentinaliklar safiga o'tish uchun maoshining kamayishiga rozi bo'ldi. «Boka» Kavani 3 yillik shartnoma taklif qildi.

Agar «Manchester Yunayted» Kavani bilan kelishuvni uzaytirmasa, klub urugvaylik futbolchiga 2 million evro miqdorida kompensatsiya mablag'i to'lashi kerak bo'ladi. "ESPN" tarqatgan xabarga ko'ra, klub kelishuvni bekor qilish tashabbuskori bo'lsagina kompensatsiya to'lanishi ko'zda tutilgan.

Kavani 2020 yilning oktyabr oyida «MYu» bilan «1+1» ko'rinishida shartnoma imzolagan edi. Edinson joriy mavsumda APL doirasida 18ta o'yinda maydonga tushib, 6ta gol urdi va 2ta golga uzatma berdi.