"Qo'qon-1912" jamoasining logotipi vaqtincha o'zgarishsiz qoldirildi

"Qo'qon-1912" yangi mavsum oldidan o'z logotipini o'zgartirishi haqida ma'lumot bergan edik. Yangi logotip bo'yicha tanlov ham e'lon qilindi.

"Shu kungacha bizga juda ko'p variantlar kelib tushdi. Vaqt ajratib bizga o'z ijodlarini yuborgan barcha insonlarga o'z minnatdorchiligimizni izhor qilamiz.

"Qo'qon-1912" jamoasi yangi mavsumni eski logotip bilan boshlashga qaror qildi. Biz mavsum davomida yangi logotip bo'yicha izlanishlarimizni davom ettiramiz hamda jamoaga mos, barchaga birdek ma'qul bo'ladigan  logotip  tayyor bo'lgan vaqtda logotipimizni o'zgartiramiz. Logotip klubning yuzi bo'lganligi uchun bu borada biroz shoshilmaslikka qaror qildik", — deyiladi klub matbuot xizmati tarqatgan xabarda.