Superliga. «Nasaf» - «Paxtakor» (prevyu)

2021 yilgi Superliga mavsumini ham "Paxtakor" "Nasaf"ga qarshi o'yin bilan boshlaydi.

Bir necha kun oldin superkubok uchun bellashgan jamoalar endi superligada to'qnash kelishadi. Har ikki jamoa o'rtasidagi to'qnashuvlar oxirgi yillarda keskin o'tmoqda. Har bir bahs muxlislarga shiddatli to'qnashuvni taqdim etib keladi.

Bellashuvlar tarixiga nazar tashlaydigan bo'lsak, chempionatlarda jamoalar jami 48 marta o'zaro bahs olib borishgan. Ularning 28tasida "Paxtakor" zafar quchgan bo'lsa, 10 bellashuvda durang natija qayd etilgan. Qarshiliklar esa 10 o'yinda g'alaba qozonishgan. Raqib darvozasini 74 bor ishg'ol qilgan jamoamiz darvozasidan 44 gol o'tkazib yuborgan.

Qarshidagi 24 o'yinda esa jamoamiz 8 g'alaba, 7 durang va 9 mag'lubiyat qayd etgan. 23 gol urgan jamoamiz o'z darvozasidan 31 to'p o'tkazib yuborgan.

Mazkur uchrashuvda O'zbekiston chempionati tarixida ilk bor VAR tizimidan foydalaniladi.

"Nasaf" va "Paxtakor" jamoalari o'rtasidagi bellashuv 10 mart, chorshanba kuni Qarshidagi "Markaziy" stadionda soat 18:30da boshlanadi.