Valdano: "Ronaldu ketgandan buyon jamoa o'lib bo'lgan"

Madridning «Real» klubi sobiq sport direktori Xorxe Valdano «Real»ning hozirgi holati haqida o'z fikrini bildirdi.

«Ronaldu "Real"ni tark etganidan buyon klub arang g'alabalarni qo'lga kiritmoqda. U ketgandan buyon jamoa o'lib bo'lgan. Xuddi butun tizim intensiv futbolga o'tib olgandek. Har bir uchrashuvga o'rtacha bitta gol to'g'ri kelyapti.

Hozir bu erda yaqqol goleador yo'q. Yovich ham bir yildan ziyodroq o'ynab berolmadi. Benzema esa ortga qaytib o'ynashga majbur bo'lyapti. Men "Real" ichida yurib hozir klubga qanchalik og'ir bo'layotganini his qilib turibman», - deydi Valdano.