Ibrahimovich: «Agar Maldini xohlasa, men «Milan»da qolaman»

«Milan»ning 39 yoshli hujumchisi Zlatan Ibrahimovich jamoada qolishga tayyor ekanini ma'lum qildi. Shvetsiyalik futbolchining "rossoneri" bilan shartnomasi joriy mavsum so'ngida yakuniga etadi.

«Men — Zlatan. Mas'uliyatni his qilyapman va o'zimni etakchi sifatida his qilyapman. Bu meni hayajonga soladigan yagona klub. Yosh futbolchilarga o'rgatishni, ularni to'g'ri yo'nalishga boshlashni istayman. Men nimadir gapirsam: «Yaxshi, biz shunday qilamiz», deyishadi. Ularsiz o'tkazgan kun — men uchun go'yoki farzandlarsiz qolgan kun.

Kelasi mavsumda «Milan»da qolamanmi? Bilmadim, ko'ramiz. Agar Paolo Maldini istasa, men qolishga tayyorman», — dedi Ibrahimovich.