Fakt: Faqat «Liverpul» va Liga 1 autsayderi 2021 yildagi uy uchrashuvlarida o'yindan gol ura olmayapti
/ Kiritdi: BestMaster Ko'rilgan: 168
«Liverpul» Premer Liga doirasida bo'lib o'tgan 7 mart kungi o'yinda «Fulhem»ga yutqazib qo'ydi (0:1).
«Liverpul» 2021 yilda «Enfild»da faqat bitta gol urishga erishdi. Muhammad Saloh «Manchester Siti»ga qarshi o'yinda (1:4) penaltini aniq ijro etgandi.
«Qizillar» Evropa top-5 ligalari klublari orasida yil boshidan beri chempionatda o'yindan gol ura olmagan ikkita jamoaning biri bo'lib turibdi. «Liverpul» bilan birga bu ko'rsatkichni Frantsiya chempionatining so'nggi pog'onasida borayotgan «Dijon» qayd etmoqda.
Qayd etish joiz, 2021 yilgi APL uy o'yinlarida «Liverpul» raqiblar darvozasi tomon 83 marta zarba bergan, top-5 ligalarda faqat beshta jamoa bundan yaxshiroq natijaga ega.
Yurgen Klopp shogirdlari 28 o'yindan keyin 43 ochko bilan 8-o'rinda bormoqda.
Bosh sahifaga
212