Levandovski «Borussiya» safiga eng ko'p gol urgan futbolchiga aylandi

«Bavariya» hujumchisi Robert Levandovski Germaniya chempionatining 24-turi doirasida bo'lib o'tgan Dortmundning «Borussiya» klubiga qarshi o'yinda (4:2) 3ta gol muallifiga aylandi.

Polshalik futbolchi faoliyati davomida Bundesliga doirasida dortmundliklarga qarshi 14ta o'yinda maydonga tushib, bu jamoa darvozasiga o'z gollari sonini 22taga etkazdi. Bundesliga tarixida hech bir futbolchi «Borussiya» darvozasiga buncha ko'p gol ura olmagan.