Ivan Rakitich boshqa jamoaga o'tishga qaror qildi

«Barselona» yarim himoyachisi Ivan Rakitich o'zining kelajagi borasida bir qarorga keldi. Football Italia tarqatgan xabarga ko'ra, 30 yoshli futbolchi yozgi transfer paytida Italiyaning «Inter» klubiga o'tishga rozilik berdi.

Ma'lumotlarga qaraganda, «Barselona» futbolchiga yangi shartnoma taklif qilmoqchi emas. Xorvatiyalik futbolchining "ko'k-anorranglilar" bilan amaldagi shartnomasi 2021 yilning yozida yakuniga etadi.

Kataloniyaliklar "Ayaks" yarim himoyachisi Frenki de Yong bilan shartnoma imzolashdi. Shuningdek, "PSJ" futbolchisi Adrien Raboni bepul qo'lga kiritishni ko'zlamoqda. Shu bois, jamoa yoshi katta futbolchilar bilan xayrlashishi mumkin.

«Barselona» Rakitichning transferidan 65 million evrodan ko'proq daromad olishni ko'zlamoqda.

Yarim himoyachi ushbu mavsumda La liga doirasida 23ta o'yinda maydonga tushib, 2ta gol urdi va bitta golga uzatma berdi.