OAV: 39 yoshli Ibrahimovich Shvetsiya milliy jamoasiga qaytadi

«Milan» hujumchisi Zlatan Ibrahimovich Shvetsiya milliy jamoasiga qaytishi mumkin. Bu haqda "FotbollDirekt" xabar tarqatdi. Eslatib o'tamiz, 39 yoshli futbolchi 2016 yilda terma jamoadagi faoliyatini yakunlagan edi.

Manbaga ko'ra, Zlatan JCh-2022 saralash bosqichi bahslarida Shvetsiyaga yordam beradi. Shvedlar 25 mart kuni Gruziya, 28 mart kuni Kosovo, oradan 3 kun o'tib esa Estoniya bilan to'qnash keladi. Terma jamoaga taklif etilgan futbolchilar ro'yxati 16 mart kuni e'lon qilinadi.

Ibrahimovich Shvetsiya milliy jamoasi safida 116ta o'yinda ishtirok etib, 62ta gol urgan. U mamlakat termasi tarixidagi eng yaxshi to'purar hisoblanadi.