Pirlo nima uchun Ronalduga dam bermayotganiga izoh berdi

"Yuventus" klubi bosh murabbiyi Andrea Pirlo nima uchun jamoa etakchisi Krishtianu Ronalduga dam bermayotganiga izoh berdi.

"U ko'p o'ynamoqda, shuning uchun unga 1-2 kun dam bergan bo'lardik. Ammo hozirda imkoniyatlarimiz cheklangani uchun Krishtianu sabr qilib turishga to'g'ri keladi. Ishonchim komil, Ronaldu jamoaga qanchalik kerak bo'lsa, shuncha o'ynaydi. U juda katta professional. U maydonda ham, maydon tashqarisida ham hammaga o'rnak bo'la oladi. Shunday ruhda ham davom etishiga ishonchim komil", - dedi Pirlo.

Ronaldu joriy mavsumda barcha musobaqalar doirasida 30ta o'yinda maydonga tushib, 27ta gol urdi va 3ta golga uzatma berdi. Fevral oyida u 36 yoshga to'ldi.

"Yuventus" A seriya jadvalida 4-pog'onani egallab turibdi. "Keksa sinora" peshqadam "Inter"dan 10 ochko ortda qolmoqda.