Bolalar futboli Germaniya tajribasida

Germaniya futboli haqida ortiqcha so'z aytishga hojat yo'q. Milliy terma jamoa va klublarining qayd etayotgan natijalarining o'ziyoq nemis diyorida millionlar o'yinining tizimi qanchalik to'g'ri yo'lga qo'yilganidan darak beradi. 

Bugungi kunda Germaniyada bolalar murabbiyi sifatida faoliyat yuritayotgan, tegishli litsenziyasi bor Sanjar Halilov «Bunyodkor»ga tashrif buyurdi. Bolalar futboli bo'yicha mutaxassis akademiyamizda ishlayotgan murabbiylarga kichik seminar o'tkazdi. Seminarda 6 yoshdan 11 yoshgacha bo'lgan bolalar bilan ishlashning nemischa usuli haqida so'z bordi. Sanjar Halilov Germaniyada murabbiylar olti yoshli bolaga qanday munosabatda bo'lishi, mashg'ulotlarni o'tkazishdagi yondoshuvlar to'g'risida o'z fikrlari va tajribasi bilan o'rtoqlashdi.

Manba: fcbunyodkor.com