«Andijon» futbol klubi eski qarzdorliklarni to'lab berdi va FIFA taqiki olib tashlandi

Bilasiz, «Andijon» jamoasiga legioner futbolchilardan qarzdorliklar bo'lgani uchun transfer taqiki qo'yilgan edi. Yangi rahbariyat jamoaning necha yillardan buyon to'planib qolgan qarzdorliklarini bosqichma-bosqich to'lab bordi.

Shu jumladan, 2015 yilgi mavsumda «Andijon» jamoasida to'p surgan Pedrag Vuyovich bilan ham qarzdorliklar xozirgacha to'lanmay kelayotgan edi. Jamoa rahbariyati ushbu futbolchiga ham 15.000$ miqdorida summani to'lab berdi va masalani hal etdi. Shuningdek, 2019 yilda jamoamiz sharafini himoya qilgan darvozabon Vitaliy Mirniyga 14.800$ himoyachi Radasav Aleksichga 24.000$ to'lab berdi. O'tgan mavsumda «Andijon» safida to'p surgan legioner futbolchilardan Dmitro Zozulyaga 8.000$, Ibe Mikel Okorroga 6.000$, Artyom Litvyakovga - 8.000$ miqdoridagi summa to'lab berildi.

Bugungi kunda «Andijon» futbol klubining legioner futbolchilardan hech qanday qarzdorligi qolmadi va Fifa «Andijon»ga qo'ygan taqiqni olib tashladi.

«Andijon» matbuot xizmati