Xyuistra: «Paxtakor» boshqaruvidagi ilk sovrinni yutish uchun keldim»

"Paxtakor" vakillari ishtirokida O'zbekiston Superkubogidan oldin matbuot anjumani boshlandi

Xyuistra: - Jamoamiz ushbu kubokni hali qo'lga kiritmagan. Biz ertaga ushbu bo'shliqni to'ldirishni istaymiz. Maqsadimiz g'alaba qozonib, sovrinlarimiz sonini oshirish.

Rashidov: - Samarqandga Superkubokni yutish uchun keldik. O'zim ham birinchi marta unda ishtirok etaman.

Krimets: - Yangi mavsumni ijobiy hissiyotlar bilan boshlashni xohlaymiz. Muxlislar bizdan sovrin kutishmoqda. Buni amalga oshirishni istaymiz.

Rashidov: - "Paxtakor" o'tgan yili Chempionlar Ligasida ajoyib o'yin ko'rsatdi. Endi jamoa uchun bor kuchim bilan o'ynab, muvaffaqiyatlarga erishishga umid qilaman. Mavsumda bizni ichki va xalqaro musobaqalar kutmoqda.

Xyuistra: - O'yinchilar ketishi va kelishi odatiy hol. Bunga tayyor turish kerak. Hamrobekov yaxshi saviyadagi futbolchi, lekin tarkibimizda yaxshi saviyali futbolchilar etarli. Superkubok mavsumga qay darajada hozirligimizni ko'rsatadi.

Xyuistra: - Raqibda ham bir necha o'zgarishlar ro'y berdi. Mavsumga tayyorgarlik jarayonida bir necha o'yinlarini ko'rdim. Tarkib o'zagini saqlab qolishdi. O'yin uslubi o'zgarmagan. Ular jiddiy qarshilik ko'rsatib, jips futbol namoyish etishadi.

Rashidov: - Jamoam uchun yordam berishga urinaman. Raqib muxlislari sizga gapirishi yoki tanqid qilishi mumkin, ammo men klubim uchun mehnat qilaman. Jamoam ishqibozlari mendan yaxshi harakatlar kutishadi.

Krimets: - Himoyada ko'p yillar o'ynaganda hujumchilar jussasiga qarab o'ynash tajribasiga ega bo'lasiz. Har bir raqib uslubini o'rganib chiqib, shunga yarasha chora ko'ramiz.

Xyuistra: - O'yinchilar har xil bo'ladi. Vazifam ular orasida bog'lamni tezroq shakllantirish va yaxshi o'yin ko'rsatishga urinish. Bu o'ziga xos boshqotirma, undan chiqib ketishga intilamiz.